各位高汁讀者，好耐冇見喇！
閉關咗一段時間，等自己好好休息下。呢段時間我將大部份注意力都集中屋企同自己身上，機都冇打。連P-hub全球免費一個月Premium咁大吸引力，我都冇乜點上過。抱歉粒聲都冇出就消失咁耐，令大家擔心了。
程仔係醫護，話唔擔心就假。但作為老婆除咗擔心，我最能夠做嘅就係好好打理屋企，等佢可以唔使掛心家頭細務，專心工作。因為咁，我學識咗好多嘢呀。例如焗麵包、造糕點、整便當，又做下小手工咁。心靜咗好多，有機會同大家分享下！
活喺亂世之中，心一定要夠堅定。多謝大家關心，我哋一家三口會好好過的，你哋都要好好過。祝福每一位。
Instagram: @sis3ter